وزارت امور خارجه چین اعلام کرده که رییس جمهور این کشور تا دو روز دیگر به قزاقستان و اوزبیکستان سفر خواهد کرد.رویترز روز دوشنبه، ۱۲ سپتامبر، به نقل از این وزارت گزارش داده است که سفر شی جین پینگ، رییس جمهور چین، همزمان با برگزاری نشست سران سازمان همکاری‌های شانگهای در سمرقند اوزبیکستان انجام می‌شود.پینگ سفرش را روز چهارشنبه، ۱۴ سپتامبر، آغاز کرده و تا ۱۶ این ماه ادامه خواهد داد.این نخستین سفر خارجی رییس جمهور چین پس از قرنطینه کرونایی است.سفر پینگ به آسیای مرکزی برای روابط استراتژیک چین و کشورهای اوزبیکستان و قزاقستان پراهمیت دانسته می‌شود.